सन्धिखर्कमा केही दिन देखि हराएका व्यक्ति झुन्डिएको अवस्थामा फेला

अर्घाखाँची, साउन ३०- अर्घाखाँची जिल्लाको सन्धिखर्कमा केही दिन देखि हराएका एक व्यक्ति झुन्डिएको अवस्थामा मृत फेला छन् । मृत्यु हुनेमा सन्धिखर्क बैंकरोड मार्गमा किराना पसल गर्दै आएका ५८ वर्षिय पदम रिजाल रहेको जनाएको छ ।

गत बिहिवार बिहान देखि  बेपत्ता भएका रिजालको खोजी गर्दा शनिबार उनलार्इ फेला पारिएको थियो । मृत्‍युको कारण खुल्न सकेको छैन । रिजाल सन्धिखर्क नगरपालिका वार्ड नं. ४ आमडाँडा स्थायी घर भई हाल सन्धिखर्कको हटारीमा सपरिवार बस्दै आएका थिए । 

 

शव परीक्षणका लागि सन्धिखर्क स्थित जिल्ला  अस्पतालमा राखिएको छ । घटनाबारे अनुसन्धान भइरहेको जिल्ला प्रहरी कार्यालयले जनाएको छ ।